Britaniyalik ayol 1942 yilda ishlab chiqarilgan biplanda Avstraliyaga yetib bordi

Britaniyalik uchuvchi ayol Treysi Kertis-Teylor Farnboro shahridan Avstraliyaning Sidneyigacha bo‘lgan masofani 1942 yilda ishlab chiqarilgan biplanda bosib o‘tdi. Bu haqda u Twitter’dagi mikroblogi orqali xabar qildi.

“Finish Sidney aeroportida. Kattakon sarguzasht yakuni, meni qo‘llab turgan barchaga tashakkur. Yangiliklarni kuzatib boring”, - deb yozdi Kertis-Teylor xonim.

Uch oy muqaddam boshlangan sayohat davomida 53 yoshli ayol 20 ming km masofani bosib o‘tib, 23 mamlakat havo hududini kesib o‘tdi, 50 marta yoqilg‘i quyish uchun to‘xtadi.

Bu yo‘nalishni o‘tgan asr 30-yillarida boshqa bir ayol – Emi Jonson bosib o‘tgan edi. Uning muxlisasi bo‘lgan Treysi Kertis-Teylor o‘sha sayohat shart-sharoitlarini qayta tiklash maqsadida eski apparaturadan foydalandi.