Dunyoning kazo-kazolari yangi yilning birinchi haftasida 200 mlrd dollar yo‘qotishdi

Dunyoning eng boy odamlari 2016 yilning birinchi haftasida 194 mlrd dollar yo‘qotishdi. Bloomberg agentligining ma'lum qilishicha, bu 120 yillik birja savdolari tarixidagi eng yomon “birinchi hafta” bo‘lgan.

Sayyoraning eng boy 400 kishisi Xitoy fond birjasidagi qulash va neft narxining pasayib ketishi bilan bog‘liq ravishda fond bozorlarida yuzaga kelgan tushkunlik oqibatida milliardlab dollarlarini yo‘qotgan. Bloomberg Billionaires indeksi hisob-kitoblariga qaraganda, 47 milliarder sotuvlarning dastlabki kunlarida 1 mlrd dollardan pul yo‘qotgan. Agar o‘tgan yili 400 eng boy ishbilarmonning umumiy boyligi 4 trln dollarni tashkil qilgan bo‘lsa, hozirlikda bu ko‘rsatkich 3.7 trln dollarga tushib ketdi.