O‘zbekistonda milliy armiya haqidagi yangi jurnal ta'sis etiladi

O‘zbekistonda milliy armiya hayotini aks ettiradigan yangi jurnal ta'sis etiladi. Bu haqda «Jahon» axborot agentligi 11 yanvar kuni Toshkentdagi Ikuo Xirayama nomidagi Xalqaro madaniyat karvon saroyida bo‘lib o‘tgan tadbir chog‘ida berilgan ma'lumotga tayanib xabar tarqatdi.

Mudofaa va harbiy qurilish, milliy armiyani isloh qilish va rivojlantirish sohalarida erishilayotgan muvaffaqiyatlarni aholi o‘rtasida yanada keng targ‘ib etish maqsadida «O‘zbekiston Respublikasi Qurolli kuchlari» nomli maxsus jurnalni nashr etish rejalashtirilmoqda. Birinchi bosqichda u o‘zbek tilida nashr etiladi va keng jamoatchilik o‘rtasida tarqatiladi.

Eslatib o‘tamiz, hozirgi kunga qadar Mudofaa vazirligi tomonidan «Vatanparvar» gazetasi nashr etilib kelinmoqda.