Obama: xalqaro xavfsizlik tizimini saqlab qolishning asosiy sharti IShIDni tor-mor keltirishdir

Xalqaro terrochilikning tor-mor keltirilishi jahonda Ikkinchi Jahon urushidan so‘ng shakllangan xalqaro xavfsizlik tizimini saqlab qolishning muhim shartidir. Bu haqda AQSh prezidenti Barak Obamaning Kongress oldida so‘zlangan “Mamlakatdagi ahvol to‘g‘risida”gi ma'ruzasida aytildi.

Obamaning ta'kidlashicha, xalqaro xavfsizlik tizimi ayni kunlarda tahdid ostida qolmoqda va uni saqlab qolish uchun bir qancha shartlarni amalga oshirish talab qilinadi.“Birinchi raqamli istiqbol AQSh xalqini himoya qilish va terror tarmoqlarini tor-mor keltirishdir”, - ta'kidladi u.

“Al-Qoida” va IShID guruhlari fuqarolarimizga to‘g‘ridan-to‘g‘ri tahdid soladi”, - qo‘shimcha qildi Oq Uy rahbari.

Uning ishontirishicha, Afg‘onistonda, Suriyada va Iroqda AQSh harbiylari aynan shu ish bilan shug‘ullanmoqda.