2015 yilda bojxonachilar tomonidan 70 mlrd so‘mlik tovar-moddiy boyliklar daliliy ashyo sifatida olib qo‘yildi

2015 yilda bojxonachilar tomonidan huquqni muhofaza qiluvchi boshqa idoralar bilan hamkorlikda 20 mingdan ortiq qonunbuzarlik holatlari aniqlandi.

Natijada qiymati 70 mlrd. so‘mdan ortiq bo‘lgan tovar-moddiy boyliklar daliliy ashyo sifatida ushlab qolindi. O‘tgan yilda davlat byudjyetiga undirilgan bojxona to‘lovlari 2014 yilga nisbatan 4 foizga ko‘payishiga erishilgan. Bu haqda qo‘mita axborot xizmati xabar bergan.

"2015 yil davomida xizmat faoliyati uchun qulay shart-sharoitlar yaratish, sidqidildan va vijdonan xizmat qilayotgan xodimlarni munosib rag‘batlantirish ishlari maqsadida Nukus, Termiz, Bekobod shaharlarida, bu yilgi Vatan himoyachilari kuni arafasida esa Angren shahrida bojxonachilar uchun yangi xizmat uylari qurilib foydalanishga topshirildi", deyiladi xabarda.