Lola muxlislariga kliplarida “ko‘tarilayotgan muammolar”ga e'tibor berishni tavsiya qildi

Xonanda Lola Yo‘ldosheva “Darakchi” nashriga bergan intervyuda 2015 yili boshiga tushgan muammolarni yodga oldi.

“O‘tgan yilni men o‘zim uchun maktab deb qabul qildim, - dedi u. – U meni qayta tarbiyaladi, irodamni mustahkamlab, ruhan tushkunlikka tushmaslikka o‘rgatdi”.

Jurnalistning omma e'tiboridagi insonlarning fe'l-atvori haqidagi savollariga javob berarkan, Lola shunday dedi:
“Menimcha, har bir insonning o‘z didi, o‘ylari va aqli bo‘lishi kerak. Bundan tashqari, insonni kiyim emas, uning qalbi bezab turadi degan falsafaga tayanaman”.
“Muxlislar ijodimga, kliplarimda ko‘tarilayotgan muammolarga e'tiborliroq bo‘lishlarini so‘ragan bo‘lardim”, - xulosa qildi xonanda.