2015 yilda «O‘zbekiston temir yo‘llari» tomonidan 20,7 mln yo‘lovchiga xizmat ko‘rsatildi

“O‘zbekiston temir yo‘llari” aksiyadorlik jamiyati faoliyatining 2015 yil yakunlariga bag‘ishlangan matbuot anjumani o‘tkazildi.

Yig‘ilishni “O‘zbekiston temir yo‘llari” aksiyadorlik jamiyati boshqaruvi raisi Achilboy Ramatov olib bordi.

Ma'lumotlarga ko‘ra, o‘tgan yili yo‘lovchi aylanmasi hajmi 3793 mln. yo‘lovchi-km.ni tashkil etib, 20,7 mln. yo‘lovchi o‘z manziliga yetkazildi.

Temir yo‘l stansiyalaridan 67,7mln. tonna yuk tashildi. Eksport xizmatlari ko‘rsatkichi 347,7 mln. AQSh dollar miqdoriga teng bo‘lib, bu prognozga nisbatan 100,2 foizni tashkil etgan. Sanoat korxonalarida taqqoslama narxlarda 388,2 mlrd. so‘mlik mahsulot ishlab chiqarildi. Aholiga pullik xizmat ko‘rsatish turlarini ko‘paytirishga katta ahamiyat berilib, 2015 yilda bu ko‘rsatkich 323,8 mlrd. so‘mni tashkil etdi. O‘zbekiston Respublikasi Prezidentining 2014 yil 17 noyabrdagi PQ-2264 sonli qarori bilan tasdiqlangan Investitsiya dasturiga muvofiq «O‘zbekiston temir yo‘llari» AJda moliyalashning barcha manbalari hisobidan 2015 yil prognozi 734, 9 mln. AQSh dollar mablag‘ o‘zlashtirish ko‘zda tutilgan edi. Yig‘ilishda o‘tgan yilda ushbu yo‘nalishda 17ta loyiha bo‘yicha, jami 755,16 mln. AQSh dollari miqdorida yoki prognozga nisbatan 102,8 foiz kapital mablag‘lar o‘zlashtirilganligi aytib o‘tildi.

Harakat xavfsizligini ta'minlash, yo‘lovchilarga xizmat ko‘rsatish sifatini oshirish maqsadida sohada modernizatsiya va rekonstruksiya ishlari muhim masala hisoblanadi. Bu borada 2015 yilda 105ta lokomotiv seksiyalari ta'mirlanib, 1258ta vagonning xizmat muddati uzaytirildi. 240 km. temir yo‘l reabelitatsiya qilinib, 98,5 km. yangi temir yo‘l qurilgani alohida qayd etib o‘tildi.

Quyuv mexanika zavodida 2015 yilda yangi 50 ta yopiq hamda 278 ta yarim ochiq vagoni shlab chiqarildi. Andijon mexanika zavodida 4 o‘qli yangi vagon sisternalarini ishlab chiqarish davom ettirildi.

Xisobot davrida 50 dona yangi vagon-sisterna va 272 yarim ochiq vagon ishlab chiqarilgani qayd etildi. Sohada ijtimoiy yo‘nalishda olib borilgan ishlar, ya'ni ijtimoiy obektlarini saqlash va rivojlantirish masalasiga alohida ahamiyat berildi. Shuningdek, “Keksalarni e'zozlash yili” Davlat dasturining ijrosini ta'minlash borasidagi ishlar muvaffaqiyatli amalga oshirilganligi aytib o‘tildi.