"Bunyodkor" safida to‘purar bo‘lgan hujumchi O‘zbekistonga qaytdi

Qozog‘iston chempionatining "Taraz" klubi hujumchisi, ukrainalik Aleksandr Pishur faoliyatini O‘zbekiston Oliy ligasi ishtirokchisi "Navbahor"jamoasi safida davom ettiradi.

O‘zbek futbol muxlislariga "Bunyodkor"dagi ishtiroki bilan tanish bo‘lgan Pishur 2015 yilda Qozog‘iston chempionatining 32 uchrashuvida 9ta gol urishga muvaffaq bo‘lgan.

U 26 yanvar kuni 35 yoshga to‘ladi. Pishur "Bunyodkor" jamoasidagi faoliyati davomida, 2013-2015 yillarda 50ga yaqin uchrashuv o‘tkazib, 70ta gol urgandi va jamoaning eng yaxshi to‘purarlaridan biriga aylangandi.

Ma'lumot uchun, o‘tgan mavsumda Namanganning "Navbahor" jamoasi Oliy ligada sakkizinchi o‘rinni egalladi.