Dovuto‘g‘li: Istanbuldagi teraktdan so‘ng Turkiya IShIDga qarshi yanada faol kurash olib boradi

12 yanvar kuni Istanbulda sodir etilgan, 10 kishining hayotiga zomin bo‘lgan terrorchilik akti IShIDga qarshi kurash choralarini yanada jadallashtirish lozimligini ko‘rsatmoqda. Bu haqda Turkiya bosh vaziri Ahmat Dovuto‘g‘lining The Wall Street Journal gazetasining elektron versiyasida chop etilgan maqolasida aytildi.

Uning so‘zlariga qaraganda, “terrorchilarning oxirgi hujumi Suriya inqiroziga daxldor masalalarda muvofiqlashtirilgan javob harakatlar zaruratini taqozo qiladi”.

“DAISh yoki “Islom davlati” tarixan Xudoga ibodat qilingan joyga bu qadar yaqin yerda teraktlar uyushtirishga jur'at qilgan ekan, bu ushbu guruhning dinga hech qanday aloqasi yo‘qligidan dalolat beradi”, - qo‘shimcha qildi Dovuto‘g‘li.