Sarri: Manchinining o‘zi meni qari tulki deb atagandi. Men esa unga aytgan gapim uchun uzr so‘radim

Italiyaning «Napoli» jamoasi bosh murabbiyi Mauritsio Sarri o‘zini gomofobiya xastaligiga chalinmaganini va «Inter» bosh murabbiyi Roberto Manchini bilan Italiya Kubogining 1/4 finalida (0:2) sodir bo‘lgan voqeada emotsiya berilganini ta'kidladi.

Uchrashuvdan keyin Manchini Sarri uni noshud (gomik) deb atagani va bundaylarni futboldan chetlatish kerakligini ta'kidlagandi.

«Maydonda bunday vaziyatlar uchrab turadi. Menga hakam hushtagi chalingach, raqib bosh murabbiyiga qo‘l berib qo‘yishni o‘rgatishgan. Stress holatida nimadir bo‘lgan bo‘lishi mumkin, lekin yechinish xonasida uning yoniga borib, uzr so‘radim. Bor gap shu yerda tugashi kerak edi», deydi Sarri.

«Hozir meni gomofobiya xastaligiga chalinishda ayblamoqda. Shunchaki meni miyamga birinchi bo‘lib shu so‘z kelib qoldi. Keyingi safar men uni demokrat deb atayman».

«Menda bunday tipdagi do‘stlar ko‘p, shunday ekan men gomofob emasman. Diskvalifikatsiya qilinamanmi? Nima uchun? Bu boshqalarda bo‘lgani kabi odatiy tahdid. Manchini meni qari tulki deb atadi, demak u ham qariyalar nisbatan irqchi bo‘ladimi? Men uning oldidan o‘tib, uzr so‘radim. Ochig‘i, o‘sha paytda uni aynan nima deb chaqirganimni rostan ham eslay olmadim», deya Sarridan iqtibos keltiradi Football Italia nashri.

Roberto Manchini: Sarri kabi murabbiylarga futbolda o‘rin bo‘lmasligi kerak