Adidas xatolik tufayli Chex uchun tayyorlangan qo‘lqopni «Chelsi» jamoasining mashg‘ulot bazasiga jo‘natdi

Sport buyumlari ishlab chiqarish bilan shug‘ullanuvchi, «Chelsi»ning texnik hamkori hisoblanuvchi adidas kompaniyasi xatolik tufayli jamoaning sobiq darvozaboni Petr Chex uchun ishlangan qo‘lqopni Kobhemdagi mashg‘ulot bazasiga («Chelsi»ga tegishli baza) yubordi.

Eslatib o‘tamiz, chexiyalik tajribali ushbu darvozabon o‘tgan yilning yozida «Chelsi» safidagi uzoq yillik faoliyatdan keyin Londonning boshqa bir jamoasi «Arsenal»ga transfer qilingandi. Bu ikki jamoa shu haftda APLning 23 turi doirasida o‘zaro uchrashadi.

The Telegraph nashri xabariga ko‘ra, «Chelsi» xodimi bu holatdan juda hayron bo‘lgan va qo‘lqopni o‘z manziligi iloji boricha tezroq yetkazish harakatiga tushgan.

Petr Chex APLda gol o‘tkazilmagan "quruq" o‘yinlari bo‘yicha rekord o‘rnatdi

Petr Chex "Arsenal" himoyachilari bilan so‘zlashish uchun 3ta tildan foydalanishiga to‘g‘ri kelmoqda