Britaniyalik tennischilar boshqa sportchilar haqidagi ma'lumotlarni bukmekerlik idoralariga pullashgani ma'lum qilindi

Bir qator britaniyalik tennischilar bukmekerlik idoralaridan boshqa sportchilarning holati haqida axborot bergani uchun pul olishgan, deya xabar bermoqda The Times.

Manbada aynan qaysi tennischilar bu ishda ishtirok etishgani haqida aniq ma'lumot berilmagan.

Ammo ular Uimbldon musobaqasi oldidan tennischilarning holati, ularning jarohati bo‘yicha axborot ulashishgan. Ma'lumotlar o‘yinlarga stavka belgilash jarayonida kerak bo‘lgan. Qayd qilinishicha, tennischildar bu ishlari uchun turnir sovrin jamg‘armasida yutishi mumkin bo‘lgan puldan ko‘proq mablag‘ ishlab topishgan.

Eslatib o‘tamiz, oldinroq dunyo tennis tasnifining kuchli 50taligiga kirgan 16 nafar tennischi va bundan tashqari o‘zbekistonlik Denis Istomin ham kelishilgan o‘yinlarda ishtirok etishda gumon qilingani haqida xabar tarqatilgandi.