Suriya harbiy-havo kuchlari dekabr oxiridan beri jangarilarning 1662 ta obektini yo‘q qildi

Suriya harbiy-havo kuchlari dekabr oxiridan beri jangarilarning 1662 ta obektini, jumladan qo‘mondonlik punktlari va snaryadlar ishlab chiqaruvchi yashirin zavodni yo‘q qildi, deb xabar bermoqda Suriya armiyasi qo‘mondonligi bayonotiga iqtibos keltirgan holda RIA “Novosti” axborot agentligi.

“Suriya HHK Damashq, Xoms, Xama, Idlib, Halab va Daur-az-Zaurda terrorchilik guruhlarining 1662 ta obektini yo‘q qildi. O‘tgan oyning 27-sanasidan bugungi kungacha HHK 481 ta jangovor parvoz amalga oshirdi”, deyilmoqda bayonotda.

Idlibda jangarilarning raketalar otilishi boshqarilgan qo‘mondonlik shtabi, 4 ta qo‘mondonlik punkti, o‘q-dorilar ishlab chiqaruchi zavod yo‘q qilindi.

Halabda Suriya HHK 3 ta qurol-aslaha ombori, qo‘mondonlik punkti va pulemyotlarga ega bir nechta yo‘ltanlamas avtomobilllarni yo‘q qildi.

Shuningdek, harbiylar Suriya armiyasi Rossiya va Suriya jangovor aviatsiyasi hamda xalq lashkarlari ko‘magida bir necha viloyatlarda hujumni davom ettirmoqda. Xamada 15 ta qishloq ozod qilingan, Xomsning janubi-sharqidagi Mxin qishlog‘i hududida hujumga o‘tilmoqda. Harbiylar, shuningdek, 40 jangari yo‘q qilinganini ma'lum qilishdi.