Google kompaniyasi Apple`ga iPhone`larda o‘z qidiruv tizimidan foydalanishi uchun bir millard dollar to‘ladi

Google kompaniyasi 2014 yilda Apple`ga iOS operatsion dasturida o‘z qidiruv tizimidan foydalanishi uchun bir millard dollar to‘ladi. Shuningdek, Google iOS qurilmalari hisobidan ega bo‘lgan daromadining ma'lum bir qismini ham Apple hisob raqamiga o‘tkazib turdi.

Bu haqda Google va Oracle kompaniyalari o‘rtasida bo‘lib o‘tayotgan sud jarayoni vaqtida ma'lum bo‘ldi. Sud jarayonida Google daromadining 34 foizini Apple hisobiga o‘tkazgani oshkor qilindi.

Biroq Google advokati mazkur ma'lumotlar e'lon qilinganiga qarshi chiqib, sud stenogrammasidan 34 foizlik ma'lumotning o‘chirib tashlanishini talab qildi.  Oracle va Google o‘rtasidagi sud 2010 yildan buyon davom etib kelmoqda. Oracle Google`ni Android operatsion sistemasida Java`dan foydalanganlikda ayblab, milliard dollar jarima to‘lanishini talab qilmoqda.