O‘zbekistonlik hunarmand 3D-darvozalar tayyorlashni yo‘lga qo‘ydi

O‘zbekiston – iste'dodlarga boy mamlakat. Ota-bobolarimizdan meros qolib kelayotgan ijodkorlik, yangilikka, bunyodkorlikka intilib yashash hissi toshkentlik yakka tartibdagi tadbirkorlar G‘ayrat Sobirovni ham chetlab o‘tmagan.
Doimo izlanishda bo‘lgan chilangar-hunarmand O‘zbekistonda ilk marotaba 3D ko‘rinishidagi-darvoza hamda eshiklar tayyorlashni yo‘lga qo‘ydi. Hunarmandning har bir mahsulotini noyob va takrori yo‘q san'at asari deb atash mumkin. Milliylik va zamonaviylik ruhi qorishib ketgan eshik va darvozalar yonidan o‘tar ekansiz, ulardagi bezak va tasvirlar go‘yoki tashqariga bo‘rtib yoki ichkariga kirib turgandek taassurot uyg‘otadi.
Tadbirkorning yuksak badiiy did bilan tayyorlangan turli xildagi naqshinkor panjaralari ham e'tiboringizni o‘ziga tortishi aniq. Sovuq va hissiz temir hunarmandning qo‘lida ko‘z o‘ngingizda gul ochayotgan chamanga aylansa, beixtiyor uning mahorati va iqtidoriga tahsin aytasiz. Quyida G‘ayrat Sobirov tomonidan tayyorlangan ana shunday mahsulotlar tasvirlarini e'tiboringizga havol etamiz. Ko‘ring va bahra oling, ma'qul kelsa ularga buyurtma ham berishingiz mumkin. Buyurtma uchun tel. +998 90 969 91 99

Reklama huquqlari asosida.