Donald Tramp: AQSh iqtisodiyotidagi pufak yaqinda yorilib ketadi

AQSh prezidenti lavozimiga nomzod Donald Tramp AQSh iqtisodiyotini “u meros sifatida olishni istamaydigan pufak” bilan qiyosladi, deb xabar bermoqda Reuters axborot agentligi.  

Trampning ishonishicha, iqtisodiyotdagi bu pufak yaqin orada yorilib ketadi va u AQSh prezidenti etib saylanadigan bo‘lsa, uni meros sifatida olishni istamaydi.

“Biz pufakda turibmiz. To‘g‘risini aytganda, pufak yoriladigan bo‘lsa ham, umid qilamanki, bu men prezident bo‘lguncha sodir bo‘ladi. Men uni va uning oqibatlarini meros sifatida olmoqchi emasman. Men buni prezident bo‘lganimdan bir kun keyin emas, prezident bo‘lishimdan bir kun oldin yuz berishini istagan bo‘lardim”, deb aytdi Tramp.  

Tramp, shuningdek, bugungi AQSh fond birjasiga qarash va uni o‘tgan haftadagi ko‘rsatkichlar bilan taqqoslashga chaqirdi.

“Biz shu bir hafta ichida qancha ko‘p narsa yo‘qotdik”, deb aytdi Tramp.