Mexikoda 4,5 milliondan ortiq kishi bir necha kun davomida suv ta'minotisiz qoladi

Meksika poytaxti Mexiko shahri aholisining 4,5 milliondan ortiq qismi bir necha kundan keyin ichimlik suvi ta'minotidan uzilib qoladi. Shuningdek, shahar atrofida yashaydigan 800 mingga yaqin kishi suvsiz qoladi. Bunga markaziy "Kuttsamala" suv ta'minotida ta'mirlash ishlari olib borilishi sabab bo‘ladi.

"Quvurlar juda eskirib ketgan. Ularni ta'mirlamasa bo‘lmaydi. Biz yilning bu vaqtida suvga ehtiyoj nisbatan kam bo‘lishi tufayli ta'mirlash ishlarini o‘tkazib olishga qaror qildik", deydi maxsus komissiya rahbari Roberto Ramiresa de la Parru Notimeks agentligiga bergan intervyusida.

U "Kuttsamala" suv tizimidan 40 yildan ortiq vaqt davomida uzluksiz foydalanib kelinganini, shuning uchun ahvol og‘ir darajaga yetganini aytgan.

"Avariya holatini joriy qilib, uzoq bo‘lmagan vaqtga uning ishini to‘xtatish kerak bo‘ladi", deydi de la Parra.

Uning aytishicha, 29-30 yanvar kunlari shahar aholisi uchun "eng og‘ir kunlar" bo‘lishi mumkin.

Keng ko‘lamli ta'mirlash ishlari uchun hukumat 500dan ortiq maxsus texnikani jalb qiladi.

Ta'mirlash ishlari 1 fevral kunigacha amalga oshirilishi, shundan so‘ng Lotin Amerikasining eng yirik shaharlaridan biri bo‘lmish Mexikoda hayot yana avvalgidek davom etishi aytilgan.