Ramzon Qodirov Instagram ijtimoiy tarmog‘ini so‘z erkinligiga bosim o‘tkazishda aybladi

Checheniston rahbari Ramzon Qodirov instagramdagi sahifasidan Rossiyaning sobiq bosh vaziri Mixail Kasyanov "nishonga olingan" holda tasvirlangan videoning o‘chirib tashlanishiga javoban Instagram ijtimoiy tarmog‘i ma'muriyatini so‘z erkinligiga bosim o‘tkazishda aybladi.

"AQShning zanjirband itlari haqida bir necha og‘iz so‘z aytishim bilan mening Instagram’dagi postimni o‘chirib tashlashibdi. Mana, maqtalgan amerikacha so‘z erkinligi! Nima haqida yozsangu yozu, lekin Amerikaning itlariga, Davlat departamenti va kongressning do‘stlariga tegma", deb yozdi Qodirov yangi postida.

Avvalroq ijtimoiy tarmoq ma'muriyati bu videoni ijtimoiy tarmoq qoidalarini buzgani uchun o‘chirib tashlagandi.