2 fevraldan boshlab loser.com sayti (inglizchadan "yolg‘onchi" ma'nosida) sahifasiga kirganda havola «Vikipediya» portalining Donald Tramp haqida ma'lumot beruvchi qismiga yo‘naltirilmoqda.
Tramp Ayova shtatida bo‘lib o‘tgan saylovlarda AQSh prezidentligiga Respublikachilardan nomzod bo‘lish uchun 24 foiz ovoz yiqqandi. Uni Texas shtati senatori Ted Kruz 28 foiz ovoz olib, ortda qoldirgan.
Aynan mana shu mag‘lubiyat sababli saytga kirish uchun havolani terganda u yerda Trampning «Vikipediya»dagi sahifasiga o‘tib ketilishi holati kuzatilayotgani aytilmoqda.
Ma'lumot uchun, Loser.com sayti 1997 yilda ro‘yxatdan o‘tgan bo‘lib, bu paytgacha uning egalari juda ko‘p marta o‘zgargan. 2015 yilning mart holatiga ko‘ra, ushbu domen nomiga 44 yoshli shimoliy karolinalik Brayan Konnelli egalik qilmoqda.
Bungacha ham sayt turli xil mashhurlarning sahifalariga yo‘naltirib qo‘yilishi kuzatilgan. 2000 yilda sayt prezidentlik uchun saylovlarda Jorj Bushga yutqazib qo‘ygan Albert Gorning saylovoldi dasturiga rahbarlik qilgan Uilyam Deylining sahifasiga yo‘naltirib qo‘yilgandi.
2002 yilda loser.com muxolif senator Jim Xodjyesning sahifasiga ulab qo‘yilgan. 2008 yilda sayt Baraka Obamaning saylovoldi dasturi aks etgan saytga ko‘zgu vazifasini o‘tagan.
2010 yilda manzil Wikileaks’ga, 2012-yilda Reddit’ga yo‘naltirib qo‘yilgan. 2015 yilning martida sayt «Gremmi» mukofotidagi mojaroli ishtiroki bilan yodda qolgan amerikalik Kane Uestning «Vikipediya»dagi sahifasiga qayta manzillab qo‘yilgandi.