Toshkent viloyati Yuqorichirchiq tumani ichki ishlar bo‘limiga 31 yoshli tadbirkor ayol murojaat qilib, noma'lum shaxs uni urib, qo‘lidan ichida 500 ming so‘m puli, savdo do‘koni hujjatlari, uy kalitlari, "I Phone" va "NOKIA" rusumli mobil telefonlari bo‘lgan sumkasini tortib olib voqea joyidan yashiringanligini ma'lum qilgan.
Ichki ishlar xodimlari tomonidan olib borilgan tezkor tadbirlar natijasida, ushbu talonchilik jinoyatini mahalliy aholiga mansub yigit sodir etganligi fosh etilib, qo‘lga olindi.
Mazkur holat bo‘yicha jinoyat ishi qo‘zg‘atilib, tergov harakatlari olib borilmoqda.