«Barselona» prezidenti Jozep Bartomeu jamoa o‘z yetakchi futbolchilarini qay tariqa qo‘lga kiritgani haqida aytib berdi.
«Biz Messi boshqa jamoaga yo‘l olsa, bu yerdagidan ancha ko‘p maosh olishi mumkinligini bilamiz. Bu gapni Neymar, Buskets, Pike yoki Suares bilan holda ham aytish mumkin.
Aytishim kerakki, Neymarda bizning jamoaga kelishdan oldin boshqa jamoalardan juda jozibador takliflar bo‘lgan. Suaresda ham.
Ammo ularning ikkisi ham «Barselona»ni tanlashdi, chunki biz o‘zimizga kerakli futbolchilarni qanday jalb qilishni bilamiz. «Barselona» bu oddiy klub emas.
Biz ko‘p narsalar to‘g‘risida qayg‘uramiz. Butun dunyodagi bolalarga g‘amxo‘rlik qiluvchi UNICEF va boshqa tashkilotlarning loyihalarida ishtirok etamiz.
Bularning barchasi jamoada biz shunchaki oddiy klub emasligimizni ko‘rsatadi. Jamoadagi muhit ham shunga yarasha bo‘ladi. Biz odatdagi futbol klublaridan afzalroqmiz», – deydi Bartomeu.