Hillari Klinton: Qo‘shma Shtatlar jamiyat tanazzulini yengib o‘tishi kerak

Amerika jamiyati tanazzulga uchragan va Qo‘shma Shtatlar keyingi prezidentining asosiy vazifasi mamlakat birligini saqlab qolish bo‘lishi kerak. Ushbu fikrni AQSh prezidentlik minbariga nomzod bo‘lmish Hillari Klinton, o‘zining Mayamidagi (Florida shtati) tarafdorlari oldidagi chiqishida bildirdi.

AQSh prezidentligiga nomzodlik qilayotgan raqiblarining berayotgan saylovoldi va'dalarini sharhlay turib, Klinton "Amerika hech qachon buyukligini yo‘qotmagan" deydi.

"Shunga qaramasdan, "biz Amerikaning yakdilligini qaytarishimiz kerak", - deydi AQShning sobiq bosh kotibi Hillari Klinton. Uning nazdida, "Amerikaga hozirgi kunda, ko‘proq muhabbat va ezgulik kerak".

Respublikachilar partiyasidan AQSh prezidentligiga nomzodini qo‘ygan milliarder Donald Trampning noqonuniy muhojirlar oqimini to‘xtatish uchun Meksika chegarasida himoya to‘sig‘ini barpo qilish kerakligi haqidagi da'vosiga qarshi Klinton shunday deydi: "Bizga mamlakatimizda devorlardan ko‘ra bir-birimizga ishonchni qaytarishimiz kerak, xalqga iqtisodiy imkoniyatlarni yaratishimiz kerak. Insonlarni "ular" va "bizlar" ga ajratib bo‘lmaydi".

Shu jumladan Klinton, Respublikachilarni joriy saylovoldi poygasida oldin kuzatilmagan tubanlikkacha borayotganlarida ayblaydi. Bundan tashqari, prezidentlikka nomzodini Demokratik partiya nomidan qo‘yayotgan sobiq bosh kotib, Amerika hukumatining parchalanishida "boy va qo‘li uzun" amerikaliklarni ayblaydi.

U shu bilan birgalikda, prezidentlikka saylangan taqdirda, bunday holatni tugatishga va'da beradi.

AQShda «superseshanba»ning ilk natijalari ma'lum bo‘ldi