Angliyaning «Liverpul» klubi o‘tgan mavsumning 2015 yil 31 mayigacha bo‘lgan davri uchun moliyaviy hisobotlarini e'lon qildi.
Unga ko‘ra klubning daromadi yil davomida 297,9 million funtni tashkil qilgan, Bu 2013/2014 yilgi mavsumga nisbatan solishtirganda 16,5 foizga ko‘proq degani.
«Mersisaydliklar» turli tijoriy ishlardagi tushumi 12 foizga o‘sib 116,3 million funtni tashkil qilgan.
«Liverpul»ning o‘yin kunlari olgan daromadi miqdori 15,9 foizga o‘sib, 59 million funtni tashkil qilgan. Barcha soliqlarni chiqarib hisoblagan klubning operatsion sof foydasi 60 million funtni tashkil qilgan. Bir yil oldin ushbu ko‘rsatkich 0,9 millionni tashkil qilgandi.
«Liverpul» ketma-ket ikkinchi mavsumni sof foyda bilan yakunlamoqda. Joriy mavsumda sof foyda miqdorining o‘sishiga klubning Luis Suaresni «Barselona»ga 81 million yevro evaziga sotgani sabab bo‘lgan.