Rossiya Markaziy saylov komissiyasi raisi MSK a'zoligiga kiritilmadi

Rossiya prezidenti Vladimir Putin “Rossiya Federatsiyasining Markaziy saylov komissiyasi a'zolari to‘g‘risida”gi qarori bilan MSK a'zolari prezidentlik beshtaligini tasdiqladi.

Lekin bu ro‘yxatga Markaziy saylov komissiyasining amaldagi raisi Vladimir Churov kiritilmadi.
Ushbu hujjat Kreml saytida joylashtirilgan.

Qaror bo‘yicha, Rossiyaning Markaziy saylov komissiyasi a'zolari deb Aleksandr Kinev, Vasiliy Lixachev, Ella Pamfilova, Yevgeniy Shevchenko va Boris Ebzevlar e'lon qilindi.