15:34 / 03.03.2016
2820

«Toyota» kompaniyasi Nissan Juke modeliga raqobatchi avtomobil yaratdi

Toyota kompaniyasi Jyeneva avtosalonida C-HR krossoverining seriyali versiyasini namoyish qildi. Yangi mashina Nissan Juke, Mazda CX-3 va Honda HR-V avtomobillariga raqobat tashkil qiladi.

Toyota C-HR modeli 4-avloddagi Toyota Prius gibrid modelida ilk bor qo‘llangan TNGA yangi modul platformasida qurildi. 2020 yilgacha bu arxitektura yapon markasi tomonidan ishlab chiqariladigan modellarning yarmidan ko‘pida qo‘llanadi.

Qolgan konstruksiyalarga "35-65 foizga mustahkamroq" bo‘lgan shassi krossoverni 122 ot kuchiga ega, 1,8 litrli ichki yonuv dvigateli negizida benzin-elektrli dvigatellar bilan jihozlashga imkon berdi. "Toyota" vakillarining aytishicha, yangi texnologiyalarning ishlatilishi karbonat angidrid gazlarini atrof-muhitga chiqarishni kamaytirishga imkon berdi.

Yevropada Toyota C-HR 1,2 litrli 115 ot kuchiga ega turbomotor hamda 6 pog‘onali mexanik uzatmalar qutisi yoki variator bilan taklif qilinadi.

Bundan tashqari, mashina ba'zi bozorlarda 2 litrli atmosferali dvigatel bilan ham taklif qilinadi.

Mashining Yevropa uchun mo‘ljallangan versiyasi 2016 yilning 2-yarmidan sotila boshlanadi. Bu mashina Turkiyada yig‘iladi. Mashinaning AQSh uchun mo‘ljallangan versiyasi esa 2017 yildan boshlab ishlab chiqariladi.

Top