FQB bilan bo‘lgan tortishuvda AQShda 17 ta internet kompaniyasi Apple’ni qo‘llab-quvvatladi

AQShning federal qidiruv byurosi bilan kelishmovchiliklar sabab bir qator texnologik va tarmoq kompaniyalari Apple’ni qo‘llab-quvvatlovchi hujjat bilan sudga murojaat etishadi. Bu haqda Reuters xabar bermoqda. Hujjatda nomi qayd etilganlar orasida Google, Facebook, Microsoft, Twitter, Ebay, Linkedin va boshqa shunga o‘xshash yirik kompaniyalar mavjud.

Mazkur kompaniyalar sud talabini majburiy qondirish to‘g‘risida 1789 yilda qabul qilingan qonunni rad etishni niyat qilishgan. Bu qonun “xali lampochkalar ixtiro qilinmagan bir sharoitda” qabul qilingan. Uning talablarini bugungi zamonda bajarib bo‘lmaydi, deb xulosa qilmoqda kompaniyalar.

Ma'lumot uchun, AQSh federal qidiruv byurosi kaliforniyalik terrorchi Sayyed Farukning smartfonidagi ma'lumotlarni olib berish uchun Apple kompaniyasiga murojaat etgan, ammo kompaniya bu talabni bajarishdan bosh tortgan edi.