Angliya kubogining chorakfinalida "Everton" o‘z maydonida 2:0 hisobida "Chelsi"ni mag‘lubiyatga uchratdi va musobaqaning yarimfinaliga yo‘l oldi. 2-bo‘limda "irischalar" safida "Chelsi"ning sobiq hujumchisi Romelu Lukaku dubl amalga oshirdi. Belgiyalik futbolchi 77- va 82-daqiqalarda o‘z hisobiga gol yozib qo‘ydi.
Uchrashuvda ikkala jamoaning ham bittadan o‘yinchisi maydondan chetlatildi. Avval londonliklar hujumchisi Diyego Kosta uchrashuvning 84-daqiqasida raqibi Garet Barri bilan to‘qnashuvda uning bo‘ynidan tishlagani uchun qizil kartochka olib, maydonni tark etdi. 3 daqiqa o‘tib "jabrdiyda" Barrining o‘zi ham ikkinchi sariq kartochka uchun maydondan chetlatildi.
Endi Roberto Martines shogirdlari yarimfinalda 13 martda "Old Trafford" stadionida bo‘lib o‘tadigan "Manchester Yunayted" — "Vest Xem" juftligi g‘olibi bilan uchrashadi.
Angliya kubogi. Chorakfinal
Everton – Chelsi – 2:0
Gollar: Lukaku, 77 (1:0); Lukaku, 82 (2:0).
Ogohlantirishlar: Djagelka, 42; Barri, 84 – Kosta, 11; Fabregas, 62.
Chetlatish: Barri, 87 – Kosta, 84.