Namangan viloyati: Navro‘z tadbirlari ko‘tarinki kayfiyatda bo‘lib o‘tmoqda

O‘zbekiston Respublikasi Prezidentining 2016 yil 19 fevraldagi «2016 yilgi Navro‘z umumxalq bayramiga tayyorgarlik ko‘rish va uni o‘tkazish to‘g‘risida»gi qarori ijrosi yuzasidan Respublika Ma'naviyat targ‘ibot markazi tomonidan ma'naviy-ma'rifiy uchrashuvlar, jonli suhbat va muloqotlar, targ‘ibot-tashviqot tadbirlari tashkil etilmoqda.

«Navro‘z – shukronalik va ezgulik ayyomi», «Navro‘z – yangilanish va poklanish bayrami», «Xush kelding, Navro‘zi olam!», «Navro‘zing muborak, ey ona Vatan!», «Navro‘z – eng ardoqli, asl milliy bayramimiz» kabi mavzularda o‘tkazilayotgan tadbirlarda olimlar, madaniyat, adabiyot va san'at namoyandalari, mutasaddi hodimlar va yoshlar ishtirok etdi.

Jumladan, Namangan viloyatida Navro‘z umumxalq bayramiga bag‘ishlab o‘tkazilayotgan ma'naviy-ma'rifiy uchrashuvlar, jonli suhbat va muloqotlar, targ‘ibot-tashviqot tadbirlarida Respublika Ma'naviyat targ‘ibot markazining viloyat, shahar va tumanlar bo‘limlari rahbar va xodimlari faol ishtirok etib, tadbirlarni yuqori saviyada o‘tkazilishini ta'minlash choralarini ko‘rmoqda.

Bayramoldi uchrashuvlari, targ‘ibot-tashviqot tadbirlari joylarda reja asosida davom ettirilmoqda.