Xitoy Milliy banki (Xalq banki) Xitoyning moliya tizimiga teskari repo operatsiyasi (qimmatbaho qog‘ozlarni ularni qat'iy belgilangan narxda ortga sotish majburiyati bilan xarid qilish) yordamida 130 mlrd yuandan (20,1 mlrd dollar) ko‘proq mablag‘ kiritdi. Bu haqda bank saytidagi xabarda aytilmoqda.
Xitoy Xalq banki 7 kunlik muddat va 2,25 foizlik daromad bilan repo operatsiyalarini o‘tkazdi. Avvalroq 18 martda Xalq banki Xitoy iqtisodiyotiga 110 mlrd yuan (17 mlrd dollar) kiritgandi.
Bankning ushbu harakatlari Xitoy valyutasining sezilarli sakrashlari ortida yuz bermoqda. 18 martda Xalq banki jenminbining (yuanning rasmiy nomi) dollarga nisbatan kursini birdaniga 0,51 foizga (333 tayanch punktiga), ya'ni 1 dollarga 6,4628 yuangacha ko‘tardi. Bu 2015 yilning noyabridan beri qayd etilgan eng yuqori sakrash bo‘ldi. 21 martda yuan kursi 0,3 foizga, ya'ni bir dollarga 6,4284 yuan ko‘rsatkichga pasaytirildi.