HeadHunter: ish beruvchilarning 70 foizi gilam fonida suratga tushgan nomzodlarni rad etadi

«HeadHunter Severo-Zapad» kompaniyasi matbuot kotibi Yekaterina Sklyarenkoning aytishicha, ish beruvchilarning kamida 70 foizi cho‘milish libosida yoki gilam fonida suratga tushgan nomzodlarni ishga olishni hohlashmaydi. Bu haqda «Russkaya slujba novostey» xabar qilmoqda.

Uning qayd etishicha, ish beruvchilarning g‘ashini keltiradigan narsa bu —nomzodning shaxsiy suratlaridir.

“Kompaniya rahbarlari ko‘p hollarda ishchining tarjimai holidagi tikilgan va “men gilam fonida” yoki “mening Photoshopdagi ilk tajribam” kabi suratlardan nolishadi. Yaxshisi ishga kiruvchining surati sifatli bo‘lgani yaxshi. Uning katta kichikligi muhim emas. Eng yaxshisi esa fotostudiyada, to‘g‘ri qo‘yilgan yorug‘likda ish libosida yoxud smart casual da olingan suratdir”, — deydi Sklyarenko.

Kompaniya ma'lumotlariga ko‘ra, ish beruvchilarning kamida 70 foizi xodimni ishga olishdan avval, uning ijtimoiy tarmoqlardagi suratlarini o‘rganib chiqadi.