Saudiya Arabistoni hukumati davlatning eng qimmatbaho boyliklarini saqlash uchun dunyodagi eng yirik mustaqil fond tashkil etmoqchi.
Bloomberg agentligi xabarida aytilishicha, valiahd shahzoda Muhammad ibn Salmon o‘rinbosari o‘z intervyusida, jamg‘arma tuzilmasiga oid o‘z tasavvurlarini bildirgan. Unda, 2 trln dollardan ko‘proq qiymatga ega milliy boylik saqlanadi. Bu o‘z navbatida, podshohlikning neftga bog‘liqligini kamaytiradi.
Ushbu strategiya doirasida, Saudiya Arabistoni Saudi Aramco kompaniyasining aksiyalarini sotib, uni yirik sanoat konglomeratiga aylantirish niyatida. Dastlabki IPO (Initial Public Offering-ilk oshkora taklif) ni kelasi yilning o‘zidayoq moliya bozoriga chiqarish rejalashtirilgan. Kompaniya unda 5 foizga yaqin aksiyalarini sotmoqchi.
"Investitsiyalar diversifikatsiyasi Saudiya Arabistoni iqtisodiyotini yaqin 20 yil ichida neft daromadiga bog‘liqlikdan xalos etadi", deya ishonch bildirgan Muhammad bin Salmon.