Kanada Tog‘li Qorabog‘dagi o‘t ochish harakatlarini to‘xtatishga chaqirdi

Kanada Tashqi ishlar vaziri Stefan Dion Tog‘li Qorabog‘dagi vaziyatga e'tibor qaratdi va tomonlarni o‘t ochish harakatlarini bas qilishga chaqirdi. Bu haqda RIA Novosti xabar bergan.

"Kanada Tog‘li Qorabog‘da Armaniston va Ozarbayjon o‘rtasida ro‘y berayotgan to‘qnashuvlardan tashvishda. Biz ziddiyatning barcha tomonlarini o‘zini bosib olishga va zudlik bilan harbiy harakatlarni to‘xtatib, muammoni YeHXT doirasidagi muhokamalar orqali hal etishga chaqiramiz", deyiladi Kanada TIV bayonotida.

Vazir bu muammo tinch yo‘l bilan hal etilishiga umid bildirgan.

Bundan oldinroq, Qizil Xoch Tog‘li Qorabog‘ hududiga betaraf vositachi sifatida kirishga tayyorligi xabar qilingandi.