09:01 / 07.04.2016
1497

Manuel Pellegrini: «Biz agar uzoqroqqa borishni istasak, bunday xatolar qilmasligimiz kerak»

«Manchester Siti» jamoasi bosh murabbiyi Manuel Pellegrini YeChLning chorak finalida «PSJ» jamoasiga qarshi kechgan va 2:2 hisobida yakunlangan o‘yindan keyin fikrlarini bildirib o‘tdi.

«Bu juftlikdan qaysi jamoa keyingi bosqichga o‘tishi hali hal bo‘lmadi. Lekin bugungi natijadan keyin javob o‘yini oldidan «Manchester Siti» yaxshi imkoniyat hosil qildi.

O‘tkazib yuborilgan birinchi gol kulgili xato tufayli ro‘y berdi, ikkinchi golni esa raqib ofsayddan urdi.

Agar turnirda uzoqroqqa borishni istasak, bunday xatolarga yo‘l qo‘ymasligimiz kerak. Hamisha g‘alaba uchun o‘ynaymiz, bu bizning o‘yin falsafamiz.

Hart darvozamizga penalti qo‘yilgan holatda a'lo darajada harakat qildi. O‘yin teng kurashlar ostida kechdi, ikki jamoada ham o‘yin oxiriga qadar golli vaziyatlar bo‘ldi», – deydi Pellegrini.

Top