Braziliyalik sobiq futbolchi Dida «Chempionat» nashriga bergan intervyusida 2005 yilgi Yevropa chempionlar ligasi finali borasida o‘z fikrlarini bildirib o‘tdi.
«2005 yilgi YeChL finali ajoyib o‘tgandi. Ammo u bahs biz uchun yanada yaxshiroq tugashi mumkin endi. 3:0 hisobida yuta turib qanday qilib «Liverpul»ga yutqazib qo‘yganimizni hali-hamon tushunmayman. Biz sovringa juda yaqin kelgandik, biroq futbol hakamning final hushtagiga qadar davom etadi. Bu butun umrlik saboq bo‘lgandi.
Birinchi bo‘limdan keyin hisob 3:0 paytida yechinish xonasiga xursand holda kelgandik. Anchelotti bizdan shu tempda o‘ynashda davom etishimiz kerakligini tushuntirgandi. Ammo maydonga qaytgach, bunday katta ustunlikni ushlab qola olmagandik.
Shunga qaramasdan biz ikki yil o‘tib, bu mag‘lubiyat uchun o‘ch olgandik. Bu safar diqqat-eʼtiborni yo‘qotmagandik. 2005 yildagi o‘yinda ham e'tiborni yo‘qotmagandik. Shunchaki oxirgi penaltida Shevchenkoning omadi chopmagandi», deydi braziliyalik posbon.