«Barselona» jamoasi bosh murabbiyi Luis Enrike Ispaniya chempionatining navbatdagi turida «Real Sosedad»ga qarshi uchrashuvdan (0:1) keyin fikrlarini bildirib o‘tdi.
«O‘yin juda yomon boshlandi. Birinchi bo‘limda shunchaki juda yomon o‘ynadik. Jamoa ehtiros bilan harakat qildi va sovuqqonlikni yo‘qotdi. Ikkinchi taymdagi o‘yinimiz menga yoqdi.
Biz bu o‘yinda mag‘lubiyatga uchraganimiz adolatdan bo‘lmadi. «Barselona» haliyam chempionat peshqadami bo‘lib qolmoqda.
Endi bizning xato qilishga haqqimiz yo‘q. Keyingi 2 o‘yinda biz yaxshi harakat qila olmadik.
Chempionatni mavsumning oxirgi qismini yaxshi o‘tkazgan jamoa yutadi. «Valensiya»ga qarshi o‘yinda «Kamp Nou» muxlislarimiz bilan to‘la bo‘lishini istayman.
Raqib judayaxshi himoyalandi. Biz yaxshi vaziyatlar yaratdik, ammo ulardan foydalana olmadik. Ba'zida omad kelmaydi.
Men jamoamiz bunday qiyin vaziyatdan qanday qilib chiqib ketishini tomosha qilmoqchiman. Biz nima ish qilishimiz kerakligini yaxshilab o‘ylab olishimiz kerak», – deydi Enrike.
Ayni damda kataloniyaliklar 76 ochko bilan Ispaniya chempionatida peshqadam bo‘lib turibdi. Ikkinchi o‘rinda borayotgan «Atletiko» hisobida 73, «Real»da esa 72 ochko mavjud.