Fransiya futbol federatsiyasi terma jamoa hujumchisi Karim Benzemani Yevropa chempionatiga ishtirok etadigan tarkibga kiritmaslik bo‘yicha tashkilot prezidenti Noel Le Gre terma jamoa bosh murabbiyi Dide Deshamning qarori bo‘yicha tushuntirish berib o‘tdi.
«Qiyin vaziyatda Noel Le Gre va Dide Desham Karim Benzema masalasiga oydinlik kiritish masalasida uchrashib olishdi. FFF prezidenti va terma jamoa bosh murabbiyi sport natijalari muhimligi, biroq terma jamoaga taklif etilishda alohida ajratib ko‘rsatiladigan band emasligini ta'kidlashdi. Jamoaviy muhitni shakllantirishda futbolchining axloqiy normalari ham hisobga olinishi qayd qilindi», deyiladi federatsiya bergan bayonotda.
Bundan oldinroq, Benzema Fransiya termasining Yevro-2016 uchun tarkibiga kiritilmagani haqida ma'lum qilgandi.
Eslatib o‘tamiz, Fransiya futbol federatsiyasi Mate Valbuenani shantaj qilish ishi yuzasidan 2015 yilning dekabrida Benzemani terma jamoadan vaqtincha chetlashtirgandi.
Mart oyida esa Fransiya apellyatsion sudi hujumchidan Valbuenaga nisbatan tovlamachilik ishi bo‘yicha nazoratni qisman olib tashlagandi. Shunga qaramay, 28 yoshli hujumchi Fransiyaning Gollandiya va Rossiya termalariga qarshi mart oyida bo‘lib o‘tgan o‘yinlariga chaqirilmagan edi.