Belgiya IIV musulmonlarni teraktlarni xursandchilik bilan nishonlashda aybladi

Belgiya ichki ishlar vaziri Yan Yambon De Standaard nashriga bergan intervyusida belgiyalik musulmonlarning ko‘p qismi terroristik hujumlar uyushtirilganidan keyin xursandchilik bilan "raqsga tushgan"ini ta'kidladi.

U shuningdek, Parijdagi teraktlar tashkilotchisi Saloh Abdusalom qo‘lga olinganda, Molenbek kommunasi aholisi politsiya va jurnalistlarga tosh va shisha butilkalar otganini aytgan.

"Jamiyatdan terrorchilarni yo‘qotishimiz mumkin, biroq bu davolash qiyin bo‘lgan yiring ostidagi o‘simta kabidir", - degan vazir.

Yambon uchinchi va to‘rtinchi avlod yoshlarining radikalizatsiyasi bilan bog‘liq xavf "haddan tashqari chuqur o‘rnashib olgani", chunki Belgiya "ko‘p yillar xavf-xatar signallarini inkor qilib kelgan"ini aytib o‘tgan.

22 mart kuni Byusselda uchta portlash sodir bo‘ldi, buning natijasida 32 nafar kishi halok bo‘lgan. Terakt uchun javobgarlikni IShID tashkiloti o‘z zimmasiga olgan.