«Barselona» jamoasi bosh murabbiyi Luis Enrike Ispaniya chempionatining 33-turida «Valensiya»ga qarshi o‘tkazilgan 1:2 hisobidagi mag‘lubiyatli o‘yindan keyin fikrlarini bildirib o‘tdi.
O‘yin haqida
Bu o‘yinning bir qismi juda muvaffaqiyatsiz o‘tdi, vaziyatlar natijani hal qildi. Men o‘ylaymanki, jamoa vaziyatga to‘g‘ri yondashgandi - biz ko‘plab golli vaziyatlar yaratdik, lekin omadimiz kelmadi. Biz birinchi bo‘lib gol urishimiz kerak edi, gol ham urdik, ammo bu gol hisobga olinmaydigan gol edi.
«Valensiya»ga hurmat saqlagan holda aytamanki, biz yaxshiroq ko‘rindik. O‘yinning oxirgi daqiqalarigacha biz chin yurakdan o‘ynadik va 5-6ta golli vaziyatlar yaratdik. 3 ochko bizniki bo‘lishi kerak edi, ammo raqib g‘alabani saqlab qoldi. Bu futbol. Futbolda hujum qilmasdan ham g‘alaba qozonish mumkin, xuddi bugun bo‘lgani kabi.
Chempionlik poygasi haqida
Oldimizda qolgan beshta uchrashuvni yutishdek katta chaqiruv turibdi. Agar shu ishni eplasak - chempion bo‘lamiz. Bu vazifa qiyin ekanligini bilamiz. Men Kataloniyada 8 yil futbol o‘ynaganman, 2 yildan buyon jamoani boshqarmoqdaman. Biz chaqiruvni qabul qilamiz va boshimizni tik ko‘targancha chempionatni yakunlaymiz
O‘ylaymanki, 5ta o‘yinni yutish vazifasini bajara oladigan jamoa, bu «Barselona». Bugungi o‘yin uchun futbolchilarimni tanqid qilish kerak emas, ular maqtovga loyiq.
Jamoa psixologiyasi haqida
Ruhiyat muhimligi borasida aniq gap ayta olmayman. Biz qiyin ahvolda bo‘lishimizga qaramasdan yaxshi o‘yin o‘tkazdik. Biz kuchliligimizcha qolishimiz kerak. Muxlislarimiz biz bilan g‘ururlanishda davom etishi kerak.
Nega zaxiradan foydalanmagani haqida
O‘yinchilarni almashtirishga asos yo‘q edi. Ularning barchasi raqibga qaraganda yaxshiroq o‘ynayotgandi. Men jamoa jang qilayotganini ko‘rdim va shunday qaror qabul qildim.
Himoyadagi muammolar haqida
Bu muammolar jismoniy xarakterga ega emas. Bu taktik xatolar bo‘ldi.
Keyingi mavsumda ham «Barselona» bosh murabbiyligida qolish-qolmasligi haqida
Meni faqat sport qiziqtiradi. Qolgani umuman qiziq emas.