AQSh prezidenti Barak Obama ma'muriyati IShID jangarilariga qarshi harbiy harakatlr ko‘lamini kengaytirishni rejalashtirmoqda.
The New York Times nashriga shu haqda ma'lumot bergan harbiy manbalarning aytishicha, Vashington IShIDga qarshi kurashayotgan jangchilarni tayyorlaydigan maxsus bo‘linma harbiylari sonini 50dan 200 nafargacha oshirishi mumkin. Taxminlarga ko‘ra, ular Mo‘sul shahri hududiga yuboriladi va Suriyaning Raqqa shahrini ozod etishda jangchilarni tayyorlaydi.
Bundan tashqari, AQSh mintaqaga qo‘shimcha harbiy texnikalar yuboradi. NYT gazetasi yozishicha, AQSh Iroqqa Apache rusumidagi hujumchi vertolyotlarini yuboradi.
"Hozircha, shu mazmundagi yakuniy qaror qabul qilinmagan bo‘lsa-da, yaqin biron haftada, bu haqda e'lon qilinishi ehtimol", deb yozadi gazeta.
Bundan avval, Pentagon rahbari Eshton Karter, AQSh ma'muriyati IShIDga qarshi harbiy harakatlar ko‘lamini kengaytirish masalasini muhokama etayotgani haqida bayonot bergan edi.