13:32 / 18.04.2016
1459

Pokistonda garovdagi 22 politsiyachini ozod qilish bo‘yicha operatsiya boshlandi

Pokistonning Rajanpur aholi punktida (Panjob provinsiyasi) xavfsizlik kuchlari bo‘linmalari 22 nafar politsiyachini ozod etish bo‘yicha maxsus operatsiyani boshlagan.

TASS agentligi xabariga ko‘ra, politsiyachilar jinoyat dunyosida «Chottu» laqabi bilan nom qozongan G‘ulom Rasul ism-sharifli shaxsning ekstremistik guruhi tomonidan garovda saqlanmoqda.

Jinoyatchilar 6 nafar politsiyachining hayotiga zomin bo‘lishgan, ular, agar mamlakat hukumatiga qo‘yilgan talablari bajarilmasa, garovdagilarning qolganini ham o‘ldirish bilan tahdid qilgan. Ammo islom respublikasi hukumati muzokaralarga kirishishdan bosh tortdi.

Rajanpurga armiya maxsus bo‘linmalari, shuningdek, bir nechta hujumchi vertolyotlar yetib keldi. Avvalroq jinoyatchilarga ultimatum e'lon qilingan, agar ular 17 aprel kuni oxirigacha hukumatga taslim bo‘lmasa, maxsus bo‘linmalar hujum boshlashi haqida ogohlantirilgan edi.

Sind daryosi bo‘ylaridagi hududda o‘tkazilayotgan operatsiyada huquq-tartibot organlari xodimlari va IIV qo‘shinlari harbiy xizmatchilaridan 1,6 mingdan ziyod kishi qatnashmoqda.

Hududda yashovchi kishilardan tashqariga chiqmaslik so‘ralgan.

Top