OAV: samolyot bortidagi WiFi-tarmoqning nomi yo‘lovchilarni qo‘rqitib yubordi

Avstraliyaning Qantas aviakompaniyasining Melburndan Pert shahriga reysi yo‘lovchilardan biri samolyot bortida "Tashib yuriladigan portlovchi qurilma" deb nomlangan WiFi-tarmoq borligini aniqlagach, ma'lum muddatga ushlandi. Voqea oqibatida samolyotning parvozi terrorchilik xavfi darajasi aniqlanguncha bekor qilindi, deb yozmoqda mahalliy The West Australian nashri.

Ba'zi yo‘lovchilarning ta'kidlashicha, uchuvchilar parvozning xavfsizligi borasida biror qaror qabul qilishdan avval Melburn aeroporti xavfsizlik xizmati xodimlari bilan bog‘lanishlariga to‘g‘ri kelgan.  

Yarim soatdan keyin WiFi-tarmoq yo‘qolib qolgan. Maqola muallifining taxminicha, bunday tarmoqning paydo bo‘lishiga aeroportga kelganlarning birining mobil tarmog‘i sabab bo‘lgan bo‘lishi mumkin, chunki zamonaviy smartfonlar egalari o‘zlari mustaqil ravishda shaxsiy foydalanish uchun internetga kirish nuqtalarini yaratib, ularni nomlay oladilar. Bu tarmoqning manbasi qidirilishi davom ettirilishi haqida hech narsa ma'lum qilinmagan.  

Oqibatda samolyot 2 soatlik kechikish bilan havoga ko‘tarilgan va manzilga eson-omon yetib olgan.