AQShning sobiq prezidentlari to‘ng‘ich Jorj Bush va kenja Jorj Bush respublikachilardan prezidentlikka yagona nomzod - Donald Trampni qo‘llab-quvvatlashdan bosh tortishdi.
41-prezident hisoblanmish to‘ng‘ich Jorj Bush uchun bu respublikachilar tomonidan qo‘yilgan nomzodni birinchi marta qo‘llamaydigan saylov kampaniyasi bo‘ladi. Matbuot kotibi Jim Makgratning so‘zlariga ko‘ra, "prezident Bush siyosatdan uzoqlashdi" va bu qoidada yagona istisno saylovlardan muddatidan avval nomzodini olgan o‘g‘li - Jyeb Bushning kampaniyasinini qo‘llab-quvvatlagani bo‘ldi.
AQShning 43-prezidenti kenja Jorj Bushning shaxsiy yordamchisi Freddi Ford sobiq davlat rahbarining "prezident kampaniyasida qatnashish va unga izoh berish niyati yo‘q"ligini ma'lum qildi.
Aprel oyining oxirida The New York Times gazetasi Jyeb Bushning Tramp kampaniyasini qo‘llab-quvvatlamasligi hamda saylovlarda u bilan vitse-prezident sifatida ishtirok etmasligi haqida xabar bergan edi. Bushning katta yordamchisi Salli Bredshouga shunday mazmundagi savolni berishganida, u bunga javoban kulib yuborgan.