KFC fastfudlar tarmog‘ining ikkita eng mashhur retseptiga asoslanib, tovuq ta'miga ega iste'molga yaroqli tirnoq bo‘yog‘ini yaratdi. Bu haqida Adweek ma'lum qildi.
KFC'ning Hongkongdagi bo‘limida noan'anaviy piar-aksiya jarayonida Ogilvy & Mather agentligi va tez xizmat ko‘rsatuvchi ovqatlanish joylari tarmog‘i uchun sous yetkazib beruvchi McCormick kompaniyasi hamkorlikda ish olib borishdi.
«Original» va «Hot & Spicy» ta'miga ega ikki xil tirnoq bo‘yog‘i - tabiiy ingridiyentlardan tayyorlangan. Yaratuvchilarning g‘oyasiga ko‘ra, KFC mijozlari endilikda istagan paytlarida barmoqlarini yalab, sevimli ta'mlarini eslashlari mumkin.
"Tirnoq bo‘yog‘imizning retsepti ajoyib, u ta'mni uzoq saqlaydigan va yaltirab turadigan maxsus retsept asosida yaratilgan.
Tijorat kompaniyasi Hongkongdagi KFC brendi atrofida shov-shuv ko‘tarish, qiziqtirish va quvontirishga qaratilgan", - dedi Ogilvy & Mather agentligi ijodiy rahbari.
Adweek'ning ma'lum qilishicha, tirnoq bo‘yog‘i haqidagi xabar hazil emas. Kompaniya uning sinov partiyasini ishlab chiqardi va Hongkong aholisini o‘ziga yoqadigan, kosmetik vositaning keng omma uchun ishlab chiqariladigan ta'mini tanlashga chaqirdi.