Suriyada yana bir rossiyalik harbiy halok bo‘lgani ma'lum qilindi

Rossiyalik harbiy Anton Yerigin Suriyaning Xoms viloyatida otishma paytida olgan og‘ir jarohatlardan halok bo‘ldi. Bu haqda Rossiya mudofaa vazirligi ma'lum qildi.  

"Xoms viloyatida Rossiyaning qarama-qarshi tomonlarini yarashtirish markazining avtomobillari jangarilar tomonidan o‘qqa tutilishi oqibatida avtomobillarga hamrohlik qilayotgan rossiyalik harbiy Anton Yerigin halok bo‘ldi", deb aytdi Rossiyaning Hmaymim bazasidagi vakil.

Harbiy zudlik bilan shifoxonaga olib borilgan. Ikki kun davomida shifokorlar uning hayoti uchun kurashdilar. Biroq olingan jarohatlar juda og‘ir bo‘lib, Antonning hayotini saqlab qolishning iloji bo‘lmadi.

Harbiy qo‘mondonlik Yeriginni davlat mukofotiga taqdim qildi. Serjant Anton Yerigin 31 yoshda edi. Uning jasadi ona shahri Voronejga yetkazildi. 12 mayda u bilan vidolashish marosimi bo‘lib o‘tadi.

Anton Yerigin Suriyada harbiy operatsiya davomida halok bo‘lgan yettinchi rossiyalik harbiy bo‘ldi.