Rossiya Misrning 130 tonna apelsin mahsulotini o‘z hududiga kiritmadi

Rossiyaning veterinar va sanitar nazorat bo‘yicha Federal xizmati ("Rosselxoznadzor") Misrdan O‘rta Yer dengizidagi meva chivinlaridan zararlangan 130 tonna apelsini kiritilishini taqiqladi. Bu haqda muassasa sayti ma'lumotiga tayanib RIA Novosti xabar qildi. 

Novorossiysk portida ushlab qolingan apelsinlar partiyasini Sankt-Peterburg shahriga olib ketilayotgan edi.

May oyining boshida ham "Rosselxoznadzor" tomonidan Misrdan keltirilgan 40 tonna apelsin xuddi shu sabab bilan Rossiya hududiga kiritilmagan edi. 

O‘rta Yer dengizi chivini eng xavfli va zararli hasharotlar guruhiga mansub. U o‘rik, olma, olcha, gilos, pomidor va boshqa 200dan ortiq o‘simliklar hamda mevalarni zararlaydi. Mevalardan oziqlangan tuxumlari mevalarning bevaqt uzilib tushishiga sabab bo‘ladi. Tuxum qo‘yish chog‘ida chivin zarar yetkizgan meva po‘stlog‘i mog‘or bosishga uchrab, mevaning chirishiga olib keladi.