Sergey Lazarev nima uchun "Yevrovideniye" finalida 21ta mamlakat unga nol ball berganini izohladi

Sergey Lazarev yevropalik hakamlardan ko‘ngli qolgani haqida birinchi marotaba og‘iz ochdi. 21ta mamlakat "Yevrovideniye" final bosqichida rossiyalik artistga nol ball berdi. Lazarev bunday natijadan hayratga tushganini yashirmadi. 

"21ta mamlakatning hakamlar hay'ati Rossiyaga nol ball bergani biz uchun kutilmagan holat bo‘ldi, - deya vaziyatga izoh beradi Sergey. - Holbuki, bu mamlakatlarning teletomoshabinlari bizga eng yuqori baho berishgandi. Hakamlar va tomoshabinlarning fikrlari mutlaqo qarama-qarshi bo‘lib chiqdi. Eng qizig‘i, birinchi yarim finalda xuddi shu hakamlar menga ballar taqdim etishgan. Hozir bu ma'lumotlar ochiq, ularni ko‘rish mumkin. Birinchi yarim finalda biz maksimal ball to‘pladik, adashmasam 341 ball. Ikkinchi yarim finalda Avstraliya bizdan kam ballga ega bo‘ldi. Demak, ikkita yarim finalni hisobga olsak, avval boshdan Rossiya yetakchilik qilgan. Sizga ma'lumki, men siyosatning aralashuviga qarshiman, "Yevrovideniye"da ham bu to‘g‘risida ko‘p gapirdim. Men juda ko‘p intervyu berdim va ularda bu tanlovning, eng avvalo, musiqiy tanlov ekanligini ta'kidladim".

"Qandaydir bir ichki tuyg‘u bilan hakamlar hay'atining ball ushlab qolishini oldindan sezgandim, chunki bu yil tayyorgarlik, ishga yondoshuvga ko‘ra, Rossiyaning yetakchilik qilayotgani aniq va ravshan edi. Albatta, tanlov so‘ngida bizga bunday natijani e'lon qilishga qaror qilishgani qandaydir tushunarsiz vaziyatni yuzaga keltiradi. Men hech kimni ayblamoqchi emasman, ammo dalillar shuni ko‘rsatadi. Aynan 21ta mamlakat qo‘ygan nollardan shunday taassurot paydo bo‘ladiki, go‘yoki biz sahnada hech narsa qilmagandekmiz...", - dedi Lazarev "Pryamoy efir" ko‘rsatuvida.