Sony elektron qurilmalarni boshqara oladigan smart-uzukni patentlamoqda

Shu oyning boshida  foydalanuvchi ko‘rayotgan barcha narsani tasvirga oluvchi kameraga ega Sony kompaniyasining kontakt linzalari patenti tarmoqda tarqalgan edi. Bu qurilma yapon gigantining taqiladigan gadjyetlar ustida ishlayotgan yagona loyihasi emasga o‘xshaydi. Amerikaning patentlar va mahsulot belgilarini ro‘yxatdan o‘tkazish agentligi Sony kompaniyasining yangi patentida smartfon va boshqa qurilmalarni boshqara olish imkoniyatiga ega taqiladigan gadjyet tasvirlanganini e'lon qildi.

Devays uzuk shaklida yasalgan. Foydalanuvchi uni barmog‘iga taqish orqali imo-ishoralar yordamida texnikalarni boshqara oladi. 
Uzuk imkoniyatlari haqida to‘liq ma'lumotlar ko‘rsatilmagan, lekin  suratdan shu narsa ma'lumki, barmoqdagi uzuk televizor ekranidagi  kursorni boshqarish uchun ishlatilmoqda.

Ta'rifga muvofiq, aksessuar ichida uning joylashinuvi va harakatini nazorat qiluvchi sensor o‘rnatilgan. Patentda qayd etilishicha, uzuk yordamida quyidagi rasmda tasvirlangan elektron qurilmalar guruhini birdaniga boshqarish mumkin.

Sony bu kabi qurilma yaratishga qiziqish bildirgan elektron bozordagi yagona kompaniya emas. Hozirgi kunda “aqlli” uzuklarni ko‘plab prototiplari taqdim etilgan, biroq sotish uchun tayyor mahsulotlar hanuzgacha mavjud emas.