AQSh harbiy dengiz kuchlari safiga yangi harbiy kema qabul qildi

G‘aroyib ko‘rinishga ega "Zumvolt" (USS Zumwalt) harbiy kemasi AQSh harbiy dengiz kuchlarining yangi hujumchi kemasi hisoblanib, Jyeneral Daynemiks (General Dynamics) tomonidan qurib, foydalanishga topshirildi. 

Admiral Elmo Zumvolt sharafiga nomlangan harbiy kema, turli tekshiruv va sinovlardan so‘ng, shu yilning 15 oktabr kuni to‘liq harbiy navbatchilikka qabul qilinadi. 

Uzunligi 183 metr va sig‘imi 15,700 tonnalik harbiy kema radarlarga deyarli ko‘rinmas va to‘lqinlarga qarshi tumshug‘ining o‘tkir burchakli ekani sabab shovqinsizdir.

AQSh mudofaa mahkamasi uchun, salkam 3 mlrd dollarga tushgan Zumvolt, 78 megavatt elektr energiyasi ishlab chiqib, elektromagnitli qurollar va boshqa elektr qurollar, kemaga o‘rnatilgan yuqori texnologiyalarni zaruriy energiya bilan ta'minlay oladi. 

Yangi avlod Zumwalt kemasi 100 kilometrdagi nishonga ura oladigan qurollar joylanadi va kemalarga qarshi torpedolardan tashqari, Tomahawk, Sea Sparrow va Standard raketalarini uchirish uchun 80ta uskuna bo‘ladi. 

Ayni vaqtda, Michael Monsoor va Lyndon B. Johnson nomli Zumvolt sinfidagi yana ikkita harbiy kema Maine shtatida barpo etilmoqda. Umuman, shu turdagi 3ta kemaning umumiy qiymati amerikalik soliq to‘lovchilarga 22.5 mlrd dollarga tushadi.