Toyota kompaniyasi Segway'ga nogironlar aravachasini yaratishda yordam beradi

Toyota kompaniyasi hamda amerikalik ixtirochi va Segway giroskopli elektron samokati muallifi Din Keymenning DEKA firmasi iBOT nogironlar aravachasining ikkinchi avlodini yaratish uchun o‘z imkoniyatlarini birlashtirishdi. Bu haqida Paralyzed Veterans of America xayriya tashkilotining 70-konferensiyasida ma'lum qilindi. 

Kompaniyalar anons bilan birgalikda iBOT 2 aravachasining prototipini chop etishdi. Toyota'ning vazifasi nimadan iborat hamda yangi nogironlar aravachasining qachon sotuvga chiqishi noma'lum. 2014 yilda Keymen kresloning yangicha ko‘rinishi ikki yil ichida tayyor bo‘lishini e'lon qilgan.

2000 yillarning boshlarida Keymen iBOT'ni ixtiro qilgan. Aravacha giroskoplar, ko‘plab elektron boshqaruvlar va ustma-ust joylashgan ikki juft g‘ildirakka ega ekanligi bilan ajralib turardi. G‘ildiraklar o‘z holatini o‘zgartirib, nogironlarga zinadan chiqish imkonini yaratar edi. 25 ming dollarga baholangan iBOT sotuvi tanazzulga uchradi va Keymen yangi avlod kreslosini ishlab chiqishga kirishdi. 

2016 yilda BMW kompaniyasi AQSh paralimpiya jamoasi uchun poyga aravachasini tayyorladi. Atletlar undan sentabrda Rio-de-Jyeneyroda bo‘lib o‘tadigan o‘yinlarda foydalanishadi.