Tojikiston prezidenti Emomali Rahmon tojikistonlik mehnat muhojirlari halok bo‘lgan Moskva Xovansk qabristonida sodir bo‘lgan ommaviy to‘s-to‘palon to‘g‘risida o‘z xavotirini ma'lum qildi. Bu haqda u Rossiya ichki ishlar vaziri Vladimir Kolokoltsev bilan Dushanbeda bo‘lib o‘tgan uchrashuvda bildirdi, deb xabar qilindi Tojikiston rahbarining rasmiy saytida.
Matbuot xabarida keltirilishicha, Rahmon uchrashuv chog‘ida “Tojikiston-Rossiya strategik hamkorlik aloqalari ishonchli ustuniga tayangan holda, ikkala davlatlar ichki ishlar vazirliklari o‘rtasida aloqalarni mustahkamlashning muhim ahamiyatini alohida qayd etdi”.
Suhbat davomida Tojikiston prezidenti Xovansk mozorida “tojik mehnat muhojirlariga bezorilarcha hujum” xususida o‘z xavotirini ham bildirgan.
Rahmon ushbu nizo tashkilotchilari hamda aybdorlarini javobgarlikka tortish uchun barcha choralarni ko‘rish muhim ahamiyat kasb etishini alohida qayd etdi.